Sternenwanderung Krummholzbad

104. Sternwanderung ins Restaurant Krummholzbad Heimisbach

Organisation: Angela de Stefano
TeilnehmerInnen: SAC Brandis, SAC Burgdorf
Fotos: Bruno Schwarzentrub
Bericht: Bernadette Germann

Stärnrwanderig- das Wort seits scho us, me wanderet vo verschidene Site, aber aui träffe sich im gliche Hus. So isch`s ou am 15.12.24 nid anders gsi. Die einte si chli lenger unterwägs, die andere chli weniger aber was Brandis u Burtlef iplanet hei, isch es Apéro churz vorem Ziel. Mir vom Burtlefer SAC gniesse dä Wanderunterbruch i der Schteiweid; es macht Fröid bi däm schöne Holzunterschtand e chli z`verwile u zäme aschtosse uf dä bsunderig Tag, Salzgüezi, Tee und es Schlückli Wy het fasch jede derbi. Üses Ziel isch aber s`Krummholzbad, ds`Servierpersonal schteit scho parat. Mir wärde fürschtlech bedient, d`Bärnerplatte wird serviert bis gnue. Gmüetlechs zämesi gniesse mir zum feine Ässe; ou d`Vegetarier het d`Angela nid vergässe. Viele Dank Angela für z`Organisiere, es wär schön, wenn mer znächscht Jahr vo däm Agebot ou wieder chönte profitiere. Bevors de fischteret mache mir üs ufe Wäg heizue, gniesse ir Natur no einisch die agnämi Rue. Aber öppis isch mir no wichtig zsäge; dr SAC-Brandis isch guet verträte gsi ; bi de Burtlefer dörft es no chli meh si.